Pagkakaibigan sa SMEQ

Meron akong grupo ng kaibigan sa dating pinagtratrabahuhan.  Maituturing kong malapit at matalik na kaibigan sila sa akin. Nariyan si Allan at Chu na may apat na anak na (Adriel, Mariel, Migs, Mei-mei) at lahat ay inaanak ko.  Si Sol, na may dalawang anak (Karla at Ken) kahit medyo huli na nag-asawa (eh ako nga hindi pa !).  Si Claire na may dalawang lalakeng anak na malalambing (Clyde at Charles) at si Elyse, na wala sa okasyon na ito at nasa Singapore kasama ang anak na si Clark at ang asawang si Cord.  Lahat ng bata na nabanggit ay anak ko. :)  Ako na ang Ninang ng lahat ng mga bata.  Walang pakialaman, masaya ako sa ganito.  At bago ko pala makalimutan, kaibigan ko rin ang isa pang single sa grupo, si Noel.  Marami akong puedeng ikwento tungkol kay Noel, pero tsaka na lang.

Bihira kami magkita kita na ng grupo, dahil iba iba na ang pinagtratrabahuhan namin.  Sina Allan at Chu, Elyse ay naka-base na sa Singapore.  (Dati rin si Noel, nag work sa Sing..)

Minsan umuwi ang mag-asawang Allan at Chu sa Pinas, eto na ang pagkakataon magkitakits kami.  Inumpisahan ko na magtawag at nairaos naman at nagkasama sama kami.  Napagkasunduan na magkita sa Power Plant.

Sinundo ako nina Sol at Noel sa opisina.  Sa kotse pa lang, nag-umpisa na kaming magtawanan.  Naalala ang mga nakaraan.  Kung dati rati daw ay kinaantukan lang, eh ngayon ay masakit na !  Kung ano man ang ibig sabihin nun, kami kami na lang ang may alam.  Pero may clue: tungkol sa amin ni Noel yun,

Makalipas ang ilang minuto, nasa Power Plant na kami.  Yun lang, kailangan talaga na maligaw muna si Noel.  Kami na ang ligawin. Isipin niyo na lang kung nasaang syllable ang accent nun.

Paikot ikot muna sa mall, habang iniintay ang iba.

At ayun na nga dumating na sina Allan, Chu na sinundo na lang din si Claire.  Alangya, umpisa pa lang, tawanan na ng tawanan.  Di pa kami nakain, busog na sa hangin.  Lumang patawa ni Noel, natatawa pa rin kami... Baka naman dala lang ng pagka-miss namin sa isat-isa?  kahit di na kami talaga natatawa ... hahaha.  Yari, pikon si Noel.  Pag nabasa nya ito, sisimangutan ako nun.



sol, chu, allan, cha, claire


Napagkwentuhan ang mga buhay buhay habang kumakain sa Burgoo.  Biglang may itinuro si Chu sa bintana at kinawayan pa ! Artista daw na bading, akalain mo, siya lang ang may kakilala.  Ewan ko ba dito kay Chu ...

Pero galante ang Chu, siya ang nagbayad ng dinner namin. Big time na eh ... hehehe.  Andun naman si Allan, pero wala daw siyang credit card.



cha, claire, noel, sol, chu, allan

Pagkatapos namin sa Burgoo, nagkayayaan naman mag-kape.  Siempre, pag matatanda na, kape ang hanap at hindi alak,  Hmm.. pero ako, nainom pa rin paminsan-minsan, hindi dahil sa di pa ako matanda, pero dahil lasenngerra lang ata ako.  Si Noel, minsan din nainom pa, kasi gusto maging feeling bata !

Pumunta na kami ng Starbucks, eh wala naman kaming no choice na iba eh.  Dun, hinintay naman namin si Chris, ang asawa ni Clara,  Wala pa rin tigil na kakatawa.  Ewan ko na nga kung ano ang pinagtatawanan namin eh.  Siempre dumating si Chris, dala ang camera na maganda, ayan nag-picturan kami sa Starbucks.

Eto picture namin ni Noel, in fairness, di ko alam kung maganda kami ni Noel o talagang maganda lang ang camera at pagkuha ni Chris !

chacha and noel, the couple that never was



Sabi ni Noel, gamitin na raw yung picture sa invitation.  Ano kaya ang okasyon ? Hahaha.